نكت مساطيل على الاخر

الاستاذ : ما معنى كلمة ( سبيل ) ؟
الطالب : طريق .
الاستاذ : ممتاز – والآن ما معنى كلمة ( سلسبيل ) ؟
الطالب : طرطريق


واحد عند دكتور العيون... فالدكتور بيسأله... تقدر تميز العلامات اللي في اللوحة دي؟؟؟ قاله طبعا.. بس هي فين اللوحة؟

واحد ماشي في الشارع قابله واحد تاني شكله مش على بعضه قاله: لو سمحت من فضلك قلعني الجاكتة
نعم؟!
قلعني الجاكتة بسرعة
حاضر..حاضر وراح مقلعه الجاكتة
لو سمحت بقه فكلي زراير القميص
لاااا دانت زّودتها اوي..كده تاخد برد يقلب بنزلة شعبية حادة تاخد أجلك
من فضلك فكها..بسرعة ارجوك
ُافففف..وادي زراير القميص خلاص فكتها..دا كان يوم إيه المهبب ده, ها أي اوامر تانية؟
أيوه قلعني بقه القميص
يا سيدي عييب..مايصحش كده, دإحنا فى الشارع خللي عندك دم
أرجوك..أرجوك بسرعة..مافيش وقت
دي وقعت إيه المهببه دي, أنا كان إيه إللي جابني من الشارع ده..وادي القميص ..هاااا..إيه تاني!!
إرسملي على ظهري خطوط بالطول وخطوط بالعرض
حسبي الله و نعم الوكيل..إنت مجنون ياراجل أنت؟؟!
من فضلك..أرجوك
رسمتلك زفت بالطول وزفت بالعرض
رقملي بقه المربعات إللي إتكونت على ظهري بالأرقام من 1 إلي 40
يا صبر أيوووب..بقه إنت معطلني كل ده علشان تلعبني سيجه على قفاك؟!
بسرعة لو سمحت..أرجوك رقمهم..من فضلك مش قادر أديني رقمتهم لو سمحت بقى أهرشلي في المربع رقم 33


مرة واحد محشش اتصل على بيت قال محمد موجود قالوا الرقم غلط قالهم... طيب بتردوا ليه


جماعة مساطيل بيتفرجوا على الاخبار .... فنشرة الاخبار طولت الاولانى قال للتانى :هى لية نشرة الاخبار طولت النهارد كدة؟ فراح التانى رد علية وقال معلش اصل شكلها كدة النهاردة اخر حلقة